Det opplyser selskapet i ei pressemelding på sine nettsider.
Søknaden vart sendt til Hordaland fylkeskommune i fjor haust etter at NVE hadde gjeve vassdragskonsesjon i Onarheimselvo.
- I vår gav Fylkesmannen utsleppsløyve på omsøkt volum basert på eit anlegg med RAS 1-teknologi, der om lag 99 prosent av vatnet går i resirkulering. Mattilsynet godkjente ein produksjon på 17 millionar postsmolt opptil 1 kilo for få veker sidan, skriv selskapet.
Dermed kunne Hordaland fylkeskommune 26. september skrive ut løyvet til selskapet.
- Godkjenninga er truleg verdas største postsmoltkonsesjon, og i alle høve den største på Onarheim. Når produksjonsmessige rammer no er gjevne, byrjar detaljprosjekteringa av postsmoltanlegget på næringsområdet Alsaker Brygge Sør på Onarheim, skriv Alsaker Fjordbruk.
Arealet vart ferdigregulert i 2017 og det har sidan føregått planeringsarbeid på tomta.
