Toktet var gjennomført i januar 2019 for å måle kor mykje kril det er der det er kommersielt fiske i Sørishavet. Havforskingsinstituttet hadde ansvar for det internasjonale toktet som vart utført med seks fartøy, mellom anna med «Kronprins Haakon».
Forskarane gjorde kontinuerlege målingar med ekkolodd for å berekne mengda.
– Vi tok prøvar i det som blir kalla område 48, det er her krilfisket i hovudsak føregår, fortel prosjektleiar, forskar og toktleiar Bjørn Krafft i ei melding hos Havforskingsinstituttet.
I dag er det hovudsakleg Noreg, Kina, Sør-Korea og Chile som driv krilfiske her.
