Håkon Holen (58) vert ny dagleg leiar i AS Fiskevegn. Holen kjem frå stillinga som dagleg leiar i det danskeigde Europrofil AS i Sykkylven.

– Eg er audmjuk for historia til Fiskevegn og ser verkeleg fram til å ta fatt på jobben. Selskapet har hatt ei svært god utvikling dei seinare åra og eg ser fram til å kunne bidra til å utvikle Fiskevegn si sterke og global merkevare vidare- , seier Holen.

NY SJEF: Håkon Holen vert ny sjef i Fiskevegn. Foto: Privat

Tidlegare var han leiar i det amerikanske selskapet Johnson Controls Norway AS i Bærum, samt jobbar i Ørsta Stålindustri, Ørsta Marina Systems og UFAS.

Styreleiar Helge Solheim er glade for at han har takka ja til denne jobben. Dagleg leiar i Fiskevegn har og ansvaret for Best Fishing Gear AS, Storvika AS og Flatraket Industribygg AS, samt Fiskevegns sin del av Magistr Fiskevegn Group (MGF) i Latvia. Fiskevegn har 47 tilsette og omsette i 2018 for 118. millionar kroner. Både Fiskevegn og Best Fishing Gear har hovudkontor og fabrikk på Flatraket i Selje kommune.

Avtroppande Fiskevegn-sjef Trond-Inge Kvernevik har takka ja til andre leiaroppgåver innan sjømatnæringa.