Isabel Andersen (20) har ei lærlinglønn som er heilt i toppsjiktet på landsbasis

Interessa for havbruk har auka kraftig dei siste åra – og no er lærlingane blant dei absolutt best betalte lærlingane i landet. Snittlønna var på 30.340 kroner før skatt i 2019. Det viser tal frå Statistisk sentralbyrå (SSB).

Isabel Andersen er andreårslærling ved Eidsfjord Sjøfarm i Sortland og tener 31.000 kroner før skatt. Ho skal ta fagprøven til hausten.

– Eg er veldig fornøgd med lærlinglønna mi. Eg har råd til å leve for å seie det sånn. Eg har kunne tatt opp billån og eg har rom til å spare for å kjøpe meg mitt eige hus, seier ho til IntraFish.